Էկվադորի հավաքականը ջախջախեց կոլումբացիներին🎥

2022 թվականին Քաթարում կայանալիք աշխարհի առաջնության Լատինական Ամերիկայի գոտու որկավորման փուլի 4-րդ տուրի շրջանակում Էկվադորի հավաքականը հերթական փայլուն հաղթանակը տարավ։

Գուստավո Ալֆարոյի սաների հերթական զոհը դարձավ Կոլումբիայի հավաքականը։ Էկվադորցիները պարզապես ջախջախեցին Կոլումբիայի ընտրանուն՝ հաղթելով 6։1 հաշվով։

Տանտերերի կազմից մեկական անգամ աչքի ընկան Ռոբերտ Արբոլեդան, Անխել Մենան, Միչել Ստեվեն Էստրադա Մարտինեսը, Խավիեր Արեգան, Գոնսալո Պլատան, ինչպես նաև Պերվիս Էստուպինիանը, կոլումբացիների միակ գոլն էլ գրանցվեց Խամես Ռոդրիգեսի անվան դիմաց, ով հստակ իրացրեց 11 մետրանոց հարվածը։

Այս հաղթանակից հետո Էկվադորի հավաքականը վաստակեց 9 միավոր և Հարավային Ամերիկայի գոտում զբաղեցնում է 3-րդ հորիզոնականը, Կոլումբիան 4-րդ միավորով 7-րդն է։