Էդեն Ազարի տխուր վիճակագրությունը Էլ կլասիկոներում

Իսպանական Լա լիգայի 9-րդ տուրում կայացավ հերթական Էլ կլասիկոն. «Ռեալ Մադրիդը» 3:1 հաշվով հաղթեց «Բարսելոնային»։

«Արքայական» ակումբի կազմից հանդիպմանը հայտավորված էր նաև Էդեն Ազարը, ով այդպես էլ դաշտ դուրս չեկավ։

Ինչպես տեղեկացնում է Gracenote Live-ը, բելգիացի ֆուտբոլիստը «սերուցքայինների» շարքերը համալրելուց հետո չի մասնակցել որևէ Էլ կլասիկոյի։

Այդ ընթացքում «Ռեալը» «Բարսելոնայի» դեմ անցկացրել է 8 հանդիպում։

Հիշեցնենք, որ Էդեն Ազարը «Ռեալի» կազմում հանդես է գալիս 2019 թ. հուլիսից` անցկացրած 71 խաղում դառնալով 7 գոլի և 11 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am