Երկու ակումբներ պատրաստ են պայմանագիր կնքել Մոդրիչի հետ

«Ռեալ Մադրիդի» կիսապաշտպան Լուկա Մոդրիչը, հնարավոր է, ընթացիկ մրցաշրջանի ավարտից հետո փոխի ակումբային գրանցումը։

Ինչպես հայտնում է Marca-ն, 37-ամյա ֆուտբոլիստի հետ ցանկանում են պայմանագիր կնքել «Ալ Նասրը» (Սաուդյան Արաբիա) և «Ինտեր Մայամին» (ՄԼՍ)։

Հայտնի է, որ խորվաթ ֆուտբոլիստի և «արքայական» ակումբի միջև գործող պայմանագիրն ավարտվում է 2023 թ. հունիսի 30-ին, ինչից էլ փորձում են օգտվել վերոնշյալ ակումբները։

Այդուհանդերձ, Մոդրիչը չի ցանկանում հեռանալ «Ռեալից» և մտադիր է ևս մեկ մրցաշրջան անցկացնել մադրիդյան ակումբի կազմում։

Հիշեցնենք, որ «Ալ Նասրը» վերջերս պայմանագիր կնքեց Կրիշտիանու Ռոնալդուի հետ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am