Եվրո-2024. Իսպանիան եզրափակիչում է` հաղթելով Ֆրանսիային 🎥

10/07/2024 - 00:52

Եվրո-2024-ի կիսաեզրափակիչում Իսպանիայի հավաքականը Մյունխենի «Ալիանց Արենա» մարզադաշտում մրցեց Ֆրանսիայի դեմ։

Հանդիպումն անցավ անչափ հետաքրքիր, լարված ու համառ պայքարում, որում «ֆուրիա ռոխան» 2:1 հաշվով կամային հաղթանակ տարավ։

9-րդ րոպեին «եռագույններին» առաջ մղեց Ռանդալ Կոլո Մուանին։ 21-րդ րոպեին իսպանացիների պատասխան գոլը խփեց 16-ամյա վինգեր Լամին Յամալը, իսկ 25-րդ րոպեին Լուիս դե լա Ֆուենտեի գլխավորած հավաքականին հաղթանակ պարգևեց Դանի Օլմոյի դիպուկ հարվածը։

Այսպիսով, Իսպանիայի հավաքականը 12 տարի անց դուրս եկավ Եվրոպայի առաջնության եզրափակիչ, որտեղ մրցելու է Նիդերլանդներ – Անգլիա զույգի հաղթողի դեմ։ Այդ հանդիպումը կայանալու է հուլիսի 10-ին` Երևանի ժամանակով 23:00-ից սկսած։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am