Եվրո-2024. Գերմանիայի հավաքականի հայտացուցակում փոփոխություն է տեղի ունեցել

Մյունխենի «Բավարիայի» կիսապաշտպան Ալեքսանդր Պավլովիչը բաց կթողնի Եվրո-2024-ը։

20-ամյա ֆուտբոլիստի մոտ ախտորոշվել է տոնզիլիտ (Խմբ.` անգինա), ինչի հետևանքով նա Գերմանիայի հավաքականին չի կարող օգնել տնային Եվրոպայի առաջնությունում։

«Բունդեսմանշաֆթի» պաշտոնական կայքը գրում է, որ հավաքականի գլխավոր մարզիչ Յուլիան Նագելսմանի որոշմամբ հավաքական է հրավիրվել Դորտմունդի «Բորուսիայի» կիսապաշտպան Էմրե Ջանը։

30-ամյա Ջանը Գերմանիայի հավաքականի կազմում 43 խաղում խփել է 1 գոլ, կատարել 2 գոլային փոխանցում։

Հիշեցնենք, որ Եվրո-2024-ը մեկնարկելու է հունիսի 14-ին։ Մրցաշարի բացման խաղում Գերմանիայի հավաքականը կմրցի Շոտլանդիայի դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am