ԵԼ. Փյունիկի մրցակիցը որակավորման փլեյ-օֆֆ փուլում ու դիմակայության ժամանակացույցը

Ինչպես արդեն տեղեկացրել ենք, Չեմպիոնների լիգայի որակավորման երրորդ փուլի պատասխան խաղում «Փյունիկը» սեփական հարկի տակ 0:2 հաշվով (ընդհանուր դիմակայությունում` 0:7) զիջեց «Ցրվենա Զվեզդային» ու դուրս մնաց մրցաշարի հետագա պայքարից։

Եղիշե Մելիքյանի թիմը պայքարը կշարունակի Եվրոպա լիգայի որակավորման փլեյ-օֆֆ փուլում, որի շրջանակում մրցելու է Մոլդովան ներկայացնող «Շերիֆի» դեմ։

Դիմակայության առաջին հանդիպումը կկայանա օգոստոսի 18-ին` Երևանում, պատասխան խաղը` օգոստոսի 25-ին` Տիրասպոլում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am