Դրամա Հռոմում. Միլանը 90+3-րդ րոպեին հաղթանակ կորզեց Լացիոյի դեմ խաղում🎥

Իտալական Ա սերիայի 34-րդ տուրի շրջանակում «Միլանը» Հռոմի «Օլիմպիկո» մարզադաշտում հյուրընկալվելիս մրցեց «Լացիոյի» դեմ։

Կարելի է ասել` հռոմեական ակումբը հանդիպումն սկսեց մեկ գնդակի առավելության պայմաններում, քանի որ արդեն 4-րդ րոպեին Չիրո Իմոբիլեն առաջ մղեց «արծիվներին»։

Նշենք, որ Ա սերիայի ընթացիկ մրցաշրջանում 32-ամյա հարձակվողը խփեց իր 26-րդ գոլն ու շարունակում է գլխավորել լավագույն ռմբարկուների ցուցակը։

Հանդիպման մնացած ժամանակահատվածում «Միլանը», ունենալով տարածքային ու խաղային լուրջ առավելություն, կարողացավ ոչ միայն հավասարեցնել հաշիվը, այլև կորզել դրամատիկ հաղթանակ։

«Ռոսոներիների» պատասխան գոլը 50-րդ րոպեին խփեց Օլիվիե Ժիրուն։

Երբ թվում` հանդիպումը կավարտվի 1:1 հաշվով, 90+3-րդ րոպեին Ստեֆանո Պիոլիի թիմը, ամեն դեպքում, Սանդրո Տոնալիի խփած գոլի շնորհիվ, կարողացավ հաշվի հավասակշռության նժարը թեքել իր կողմը։

Այսպիսով, «Միլանը» մեծ դժվարությամբ կարողացան կոտրել «Լացիոյի» դիմադրությունը. գրանցվեց 2:1 հաշիվը։

Այս ոչ-ոքիից հետո «Միլանը» վաստակեց 74 միավոր և վերադարձավ Ա սերիայի մրցաշարային աղյուսակի 1-ին հորիզոնական։

2-րդ հորիզոնականը զբաղեցնող «Ինտերը» ունի 72 միավոր, որը, սակայն, մեկ հանդիպում պակաս է անցկացրել։

«Ներաձուրիները» ապրիլի 27-ին 20-րդ տուրից հետաձգված խաղում հյուրընկալվելիս կմրցեն «Բոլոնիայի» դեմ։

«Լացիոն», 56 միավորով, 6-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am