Դրամա Լոնդոնում. Չելսին 90-րդ րոպեին հաղթանակ կորզեց Լիդսի դեմ խաղում 🎥
29/02/2024 - 11:21
Անգլիայի գավաթի 1/8 եզրափակիչում «Չելսին» Լոնդոնի «Սթեմֆորդ Բրիջ» մարզադաշտում մրցեց Չեմպիոնշիփը ներկայացնող «Լիդսի» դեմ։
Բարդ ընթացք ստացած խաղում «ազնվականները» կարողացան գոլառատ պայքարում 3:2 հաշվով հաղթանակ տանել։
Մաուրիսիո Պոչետինոյի թիմից մեկական գոլ խփեցին Նիկոլաս Ջեքսոնը, Միխայիլ Մուդրիկն ու Կոնոր Գալահերը։ Վերջինս իր թիմին հաղթանակ պարգևեց 90-րդ րոպեին։
Յորքշիրյան ակումբից էլ դուբլի հեղինակ դարձավ 20-ամյա հարձակվող Մատեո Ջոզեֆը։
Այսպիսով, «Չելսին» դուրս եկավ Անգլիայի գավաթի քառորդ եզրափակիչ, որի շրջանակում կմրցի Չեմպիոնշիփի առաջատար «Լեսթերի» դեմ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am