Դիբալան անընդհատ կորոնավիրուսի դրական թեստ է հանձնում
29/04/2020 - 11:43
«Յուվենտուսի» հարձակվող Պաուլո Դիբալան վերջին 1,5 ամսվա ընթացքում կորոնավիրուսի չորրորդ թեստն է հանձնել, որը կրկին եղել է դրական։
Արգենտինացի ֆուտբոլիստը դրական արդյունքի մասին հայտնել է մարտի 21-ին՝ Դանիելե Ռուգանիից և Բլեզ Մատուիդիից հետո դառնալով թուրինցիների երրորդ ֆուտբոլիստը, ով վարակված է կորոնավիրուսով։ Ապրիլի սկզբին ֆուտբոլիստը հայտարարեց, որ բուժվել է վարակից, սակայն օրեր անց կրկին դրական թեստ հանձնեց։
Ինչպես տեղեկացնում է El Chiringuito-ն, ավելի քան 1,5 ամսվա ընթացքում Դիբալան թեստավորվել է ևս երեք անգամ, սակայն վարակը դեռևս գտվնում է խաղացողի օրգանիզմում։