Գերմանիայի հավաքականի առանցքային երկու ֆուտբոլիստներ վարակվել են կորոնավիրուսով

Ինչպես տեղեկացնում է Գերմանիայի ֆուտբոլային միության պաշտոնական կայքը, հավաքականի ավագ, դարպասապահ Մանուել Նոյերը և կիսապաշտպան Լեոն Գորեցկան վարակվել են կորոնավիրուսով։

Աղբյուրի փոխանցմամբ` երկու ֆուտբոլիստներն էլ դրական թեստ հանձնելուց հետո ինքնամեկուսացել են. նրանք լքել են հավաքականի ճամբարը և բաց կթողնեն «բունդեսմանշաֆթի» առաջիկա հանդիպումները։

Նշենք, որ Նոյերի փոխարեն Գերմանիայի հավաքականի գլխավոր մարզիչ Հանսի Ֆլիկը հրավիրել է «Հոֆֆենհայմի» դարպասապահ Օլիվեր Բաումանին։

Հավելենք, որ «բունդեսմանշաֆթն» Ազգերի լիգայի A դիվիզիոնի 3-րդ խմբի շրջանակում սեպտեմբերի 23-ին կմրցի Հունգարիայի, իսկ ամսի 26-ին` Անգլիայի հավաքականի դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am