Բունուն խոսել է Ռեալ Մադրիդ չկայացած տրանսֆերի մասին

«Սևիլիայի» նախկին դարպասապահ Յասին Բունուն, ով այժմ հանդես է գալիս Սաուդյան Արաբիայի Պրո լիգան ներկայացնող «Ալ Հիլալի» կազմում, խոսել է «Ռեալ Մադրիդ» չկայացած տրանսֆերի մասին.

«Այո՛, առաջարկ եմ ունեցել «Ռեալ Մադրիդից» և եղել եմ գլխավոր թեկնածուներից մեկը։

Այդուհանդերձ, Աֆրիկայի ազգերի գավաթին հավանական մասնակցությունը բարդացրեց իրավիճակը, ինչի հետևանքով էլ գործարքը չկայացավ»,- նշել է մարոկկացի դարպասապահը, ում խոսքերը մեջբերում է ինսայդեր Ֆաբրիցիո Ռոմանոն։

Նշենք, որ Բունուն «Սևիլիայի» կազմում հանդես է եկել 2019-23 թթ.` անցկացրած 142 խաղում դարպասը 58 անգամ պահելով անառիկ։

32-ամյա դարպասապահը վերջերս փակված ամառային տրանսֆերային ժամանակ 21 մլն եվրոյի դիմաց անդալուսական ակումբից տեղափոխվեց Սաուդյան Արաբիան ներկայացնող «Ալ Հիլալ»։

Հավելենք, որ Մարոկկոյի հավաքականն արդեն նվաճել է Աֆրիկայի ազգերի գավաթի 2024 թ. խաղարկության ուղեգիր, որը կայանալու է հունվար-փետրվար ամիսներին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am