Բենզեմա. «Կախարդական երեկո էր. Ռեալը պայքարում է մինչև վերջ»

Չեմպիոնների լիգայի 1/4 եզրափակիչի առաջին հանդիպման շրջանակում «Ռեալ Մադրիդը» հյուրընկալվելիս 3:1 հաշվով հաղթեց «Չելսիին»։

Հանդիպումից հետո իր տպավորություններով է կիսվել «արքայական» ակումբի հարձակվող Կարիմ Բենզեման.

«Կախարդական երեկո էր։ Ամեն ինչ հիանալի ստացվեց, իսկ մենք շատ լավ խաղացինք` առաջին րոպեից սկսած։

Շատ լավ տեսք ունենք, իսկ «Ռեալը» միշտ պայքարում է մինչև վերջ։

Հեթ-տրիկն ինձ համար շատ կարևոր էր, քանի որ այդ պահին մտածում էի չիրացված գոլային պահերի մասին։

Կառլո Անչելոտին աշխարհի լավագույն մարզիչներից մեկն է, և ֆուտբոլիստները, իրոք, հավատում են նրան։

Առջևում պատասխան հանդիպումն է և հաջողության համար պատրաստ ենք կրկին ներդնել ողջ ուժերը»,- ֆրանսիացի գոլահարի խոսքերը մեջբերում է Marca-ն։

Հիշեցնենք, որ Կարիմ Բենզեման «Չելսիի» դարպասը գրավեց 3 անգամ` դառնալով հեթ-տրիկի հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am