Բենզեման ՉԼ-ում դարձավ Լիվերպուլի դեմ կայացած խաղերի լավագույն ռմբարկու

Չեմպիոնների լիգայի 1/8 եզրափակիչի առաջին խաղում «Ռեալ Մադրիդը» հյուրընկալվելիս 5:2 հաշվով ջախջախեց «Լիվերպուլին»։

«Արքայական» ակումբի կազմից հանդիպմանը մասնակցեց նաև Կարիմ Բենզեման` դառնալով դուբլի հեղինակ։

Ֆրանսիացի հարձակվողը մերսիսայդյան ակումբի դեմ խաղերում խփած գոլերի քանակը հասցրեց 6-ի։

Ինչպես տեղեկացնում է OptaJose-ն, Բենզեման Չեմպիպոնների լիգայի շրջանակում դարձավ «Լիվերպուլի» դեմ խաղերում երբևէ ամենաշատ գոլի հեղինակ դարձած ֆուտբոլիստը։

Այդ 6 գոլերից 4-ը Բենզեման խփել է «Էնֆիլդ Ռոուդ» մարզադաշտում, ինչը նույնպես ռեկորդային ցուցանիշ է։

Հատկանշական է, որ «Լիվերպուլի» դեմ կայացած վերոնշյալ հանդիպմանը դուբլի հեղինակ դարձավ նաև Վինիսիուսը, ով մերսիսայդյան ակումբի դեմ խաղերում խփել է արդեն 5 գոլ և այդ ցուցանիշով երկրորդն է` զիջելով միայն Բենզեմային։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am