«Բարսելոնա» Մ-19-ը խոշոր հաշվով հաղթել է թուրքական թիմի` նվաճելով ՉԼ-ի երիտասարդականմրցաշարի տիտղոսը 🎥
«Բարսելոնայի» Մ-19 տարեկանների թիմը դարձել է Չեմպիոնների լիգայի երիտասարդական մրցաշարի հաղթող։
«Բլաուգրանան» եզրափակիչում մրցել է թուրքական «Տրաբզոնսպորի» հասակակիցների դեմ և 4:1 հաշվով վստահ հաղթանակ տարել։
Ժուլիանո Բելետիի գլխավորած թիմից փայլել է մալիացի 18-ամյա վինգեր Իբրահիմ Դիառան, որը դուբլ է գրանցել և ասիստ կատարել։ Կատալոնական ակումբից մեկական անգամ էլ աչքի են ընկել Անդրես Կուենկան և Ուգո Ալբան։
Թուրքերից հեղինակության գոլը խփել է Բիչան Տիբուկօղլուն։
«Բարսելոնան» Երիտասարդական Չեմպիոնների լիգան հաղթել է պատմության մեջ երրորդ անգամ ու դարձել մրցաշարի ամենատիտղոսակիր ակումբը։
«Բարսելոնա» Մ-19-ը յուրահատուկ թրեբլ է գրանցել ընթացիկ մրցաշրջանում։ Թիմը հաղթել է նաև Իսպանիայի տարիքային առաջնությունում ու գավաթի խաղարկությունում։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից
# Անդրես Կուենկա, Բարսելոնա, Բարսելոնա Մ-19, Երիտասարդական Չեմպիոնների լիգա, Ժուլիանո Բելետի, Իբրահիմ Դիառա, Ուգո Ալբա, Չեմպիոնների-լիգա, Տրաբզոնսպոր, Տրաբզոնսպոր Մ-19