Բարսելոնան 16-րդ մրցաշրջանն անընդմեջ դառնում է 100+ գոլի հեղինակ
23/03/2021 - 00:04
Իսպանական Լա լիգայի 28-րդ տուրի շրջանակում «Բարսելոնան» հյուրընկալվելիս 6։1 հաշվով ջախջախեց «Ռեալ Սոսիեդադին»։
Ընթացիկ մրցաշրջանում կատալոնական ակումբը բոլոր մրցաշարերի շրջանակում խփել է արդեն 100+ գոլ։
Ինչպես տեղեկացնում է լրագրող Պեդրո Մարտինան, «բլաուգրանասն» արդեն 16-րդ մրցաշրջանն անընդմեջ դառնում է 100 և ավելի գոլի հեղինակ։ Այդ ողջ ընթացքում կատալոնական ակումբի կազմում հանդես է եկել Լեո Մեսսին։
Միայն Մեսսիի դեբյուտային՝ 2004/05 մրցաշրջանում է եղել, որ «կապտանռնագույններին» չի հաջողվել հատել 100 գոլի սահմանը։ Այդ մրցաշրջանում «Բարսան» դարձել է 86 գոլի հեղինակ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
# Բարսելոնա, Լա-լիգա, Լեո Մեսսի