Բարսելոնան հետաքրքրված է Լիոնի կիսապաշտպանի ծառայություններով

«Լիոնի» կիսապաշտպան Բրունո Գիմարաեսը հայտնվել է «Բարսելոնայի» ուշադրության կենտրոնում։

Ինչպես տեղեկացնում է AS-ը, կատալոնական ակումբի ղեկավարությունն արդեն կապվել է ինչպես ֆրանսիական ակումբի, այնպես էլ 22-ամյա խաղացողի ներկայացուցիչների հետ։

Հավանական է, որ երիտասարդ ֆուտբոլիստն ամռանը կլքի «Լիոնը», քանի որ մրցաշրջանը ժամանակից շուտ ավարտվելու պատճառով ակումբը զրկվել է հաջորդ մրցաշրջանում եվրագավաթներին մասնակցելու իրավունքից։

«Բարսելոնան» երիտասարդ կիսապաշտպանին դիտարկում է որպես Արթուրի հավանական փոխարինող, ով, ամենայն հավանականությամբ, ամռանը կփոխի ակումբաին գրանցումը։

Նշենք, որ Գիմարաեսը վերջերս է տեղափոխվել «Լիոն»։ Նախորդ ձմեռային տրանսֆերային պատուհանի ավարտին ֆրանսիական ակումբը 20 մլն եվրո վճարեց «Ատլետիկո Պարանաենսեին»։