Բարսելոնայի նախագահի թեկնածուն չի մասնակցի ընտրություններին
«Բարսելոնայի» նախագահի թեկնածուների քանակը շարունակում է նվազել։
Ինչպես տեղեկացնում է Sport.es-ը, Էմիլի Ռուսոն հանել է իր թեկնածությունը։ Նախապես նա հավաքել էր բավարար քանակությամբ ստորագրություններ, որպեսզի կարողանար իր թեկնածությունն առաջադրել, սակայն հետագայում որոշ ստորագրություններ կասկածելի էին թվացել․ նշանակվել էր հատուկ մարմին, որը պետք է հետաքններ գործը։
Ռուսոն, չսպասելով հետաքննության ավարտին, հանել է իր անունը «Բարսելոնայի» նախագահի թեկնածուների շարքից․ ընդ որում՝ հետաքննության արդյունքները պետք է հրապարակվեին մեկ օր անց ՝ հունվարի 15-ին։
Ավելի վաղ իր թեկնածությունից հրաժարվել էր նաև Աուգուստի Բենեդիտոն։ Այսպիսով, ընտրություններից 10 օր առաջ կատալոնական ակումբի նախագահի թեկնածուները երեքն են՝ Ժոան Լապորտա, Վիկտոր Ֆոնտ և Տոնի Ֆրեյշա։
Հիշեցնենք, որ նախորդ տարվա աշնանը «Բարսելոնայի» նախագահի պաշտոնից ազատվեց Խոսեպ Մարիա Բարտոմեուն․ պատճառը ակումբի վատ ելույթներով պայմանավորված՝ երկրպագուների ճնշումներն էին, ինչպես նաև Լեո Մեսսիի՝ ակումբը լքելու ցանկությունը։
# Բարսելոնա, Էմիլի Ռուսո, Ժոան Լապորտա, Լեո Մեսսի, Խոսեպ Մարիա Բարտոմեու, Վիկտոր Ֆոնտ, Տոնի Ֆրեյշա