Արսենալը նույնպես մեկնարկեց հաղթանակով` առավելության հասնելով Նոթինգհեմ Ֆորեսթի նկատմամբ🎥
Անգլիական Պրեմիեր լիգայի 2023/24 մրցաշրջանի 1-ին տուրում «Արսենալը» Լոնդոնի «Էմիրեյթս» մարզադաշտում մրցեց «Նոթինգհեմ Ֆորեսթի» դեմ։
Առաջին կեսում «զինագործներն» ունեին խաղային տոտալ առավելություն և նախքան ընդմիջում երկու գնդակի առավելություն ստացան, որոնք իրենց անվան դիմաց գրանցեցին Էդի Նկետիան ու Բուկայո Սական։
Երկրորդ կեսում էլ Միկել Արտետայի թիմը վերահսկում էր հանդիպման ընթացքը և կարող էր նույնիսկ ավելի մեծացնել առավելությունը։
Այդուհանդերձ, 82-րդ րոպեին «անտառապահներն» իրենց սակավաթիվ գոլային պահերից մեկը վերածեցին դարպասի գրավման. աչքի ընկավ փոխարինման դուրս եկած Թոնի Ավոնիյին։
Բաց թողած գոլից հետո լոնդոնյան ակումբը մի փոքր երերաց, սակայն «Արսենալն», ի վերջո, պահպանեց հաղթական հաշիվը։
Այսպիսով, «զինագործները» վաստակեցին առաջնության առաջին 3 միավորը։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am