Արսենալը ձախողվում է` սեփական հարկի տակ պարտվելով Վեսթ Հեմին 🎥

Անգլիական Պրեմիեր լիգայի 19-րդ տուրի վերջին խաղում «Արսենալը» Լոնդոնի «Էմիրեյթս» մարզադաշտում մրցեց «Վեսթ Հեմի» դեմ։

Չնայած հանդիպման մեծ մասում «զինագործներն» ունեին խաղային լուրջ առավելություն, չկարողացան կոտրել մրցակցի դիմադրությունը։

Դեռ ավելին` Միկել Արտետայի թիմը պարտվեց 0:2 հաշվով։

«Մրճահարներին» հաղթանակ պարգևեցին Տոմաշ Սոուչեկի և Կոստանտինոս Մավրապոնոսի խփած գոլերը։

Նշենք, որ 90+6-րդ րոպեին Դևիդ Մոյեսի թիմը կարող էր հաշիվը դարձնել ավելի խոշոր, սակայն Սայիդ Բենրահման չկարողացավ աչքի ընկնել 11-մետրանոցից. «Արսենալին» փրկեց դարպասապահ Դավիդ Ռայան։

Այս հաղթանակից հետո «Վեսթ Հեմը» վաստակեց 33 միավոր և զբաղեցնում է 6-րդ հորիզոնականը։

«Արսենալը» մնաց 40 միավորով և 19-րդ տուրից հետո նահանջեց 2-րդ հորիզոնական։

Այս տուրի արդյունքներով կրկին 1-ին հորիզոնական բարձրացավ «Լիվերպուլը», որի ակտիվում կա 42 միավոր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am