Արգենտինան ու Բրազիլիան չպարզեցին հաղթողին. «ալբիսելեստեն» նվաճեց ԱԱ ուղեգիր🎥
Աշխարհի 2022 թ. առաջնության Հարավային Ամերիկայի գոտու որակավորման փուլի 14-րդ տուրի կենտրոնական հանդիպումը կայացավ Սան Խուանի «Բիսենտարիո» մարզադաշտում, որտեղ Արգենտինայի հավաքականը մրցեց Բրազիլիայի ընտրանու դեմ։
Բավական լարված, միևնույն ժամանակ նաև` հավասար պայքարում ընթացած խաղում այդպես էլ գոլեր չեն գրանցվել, իսկ խաղն ավարտվել է 0:0 հաշվով։
Այս ոչ-ոքիից հետո Բրազիլիան վաստակել է 35 միավոր և շարունակում է գլխավորել ԿՈՆՄԵԲՈԼ-ի գոտու մրցաշարային աղյուսակը։
«Պենտակամպիոններն» արդեն նվաճել են Քաթար-2022-ի խմբային փուլի ուղեգիր։
Արգենտինան վաստակեց 29 միավոր և զբաղեցնում է երկրորդ հորիզոնականը։
Նշենք, որ «ալբիսելեստեն» այս արդյունքի շնորհիվ անհասանելի դարձավ 5-րդ հորիզոնակամը զբաղեցնող Պերուի համար և նույնպես նվաճեց աշխարհի առաջնության խմբային փուլի ուղեգիր։