Ատլետիկը ֆանտաստիկ էր` բասկյան դերբիում ջախջախելով Ռեալ Սոսիեդադին🎥

Իսպանական Լա լիգայի 25-րդ տուրում կայացավ հերթական բասկյան դերբին, որի շրջանակում միմյանց դեմ մրցեցին «Ատլետիկ Բիլբաոն» ու «Ռեալ Սոսիեդադը»։

Գոլազուրկ առաջին խաղակեսից հետո «Ատլետիկը» պարզապես քարը քարի վրա չթողեց Սան Սեբաստիանից ժամանած հյուրերին` ջախջախելով 4:0 հաշվով։

Մարսելինո Գարսիա Տորալի թիմի կազմից մեկական անգամ աչքի ընկան Դանի Վիվիանը, Օյան Սանսեթը, Ինիակի Վիլիամսն ու Իկեր Մունիայինը։

Նշենք, որ առաջին խաղակեսում` դեռ 0:0 հաշվի ժամանակ, Մունիայինը չկարողացավ դիպուկ իրացնել 11-մետրանոցը. «Ռեալ Սոսիեդադին» փրկեց դարպասապահ Ալեքս Ռեմիրոն։

Այսպիսով, «Բիլբաոն» այս հաղթանակից հետո վաստալեց 37 միավոր և զբաղեցնում է 8-րդ հորիզոնականը։

«Սոսիեդադը», 38 միավորով, 7-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am