Անչելոտին հաստատել է. Կուրտուան բաց կթողնի Էլ կլասիկոն

Իսպանական Լա լիգայի 9-րդ տուրում կկայանա հերթական Էլ կլասիկոն, որի շրջանակում «Ռեալ Մադրիդը» կմրցի «Բարսելոնայի» դեմ։

Նախախաղային մամուլի ասուլիսի ժամանակ «սերուցքայինների» գլխավոր մարզիչ Կառլո Անչելոտին հաստատել է, որ ակումբի հիմնական դարպասապահ Տիբո Կուրտուան բաց է թողնելու «բլաուգրանայի» դեմ հանդիպումը.

«Կուրտուայի մոտ ամեն ինչ կարգին է, սակայն ֆիզիկական տեսանկյունից անհանգստություն ունի, քանի որ քիչ է մարզվել անցնող շաբաթվա ընթացքում։

Նրա մասնակցությունը Կլասիկոյին բացառված է։

Հաջորդ շաբաթ Կուրտուան ավելի ինտենսիվ կմարզվի, իսկ մասնակցությունը հանդիպումներին կդիտարկենք «Էլչեի» (հոկտեմբերի 19) և «Սևիլիայի» (հոկտեմբերի 22) հանդիպումների ժամանակ»,- իտալացի մասնագետի խոսքերը մեջբերում է Mundo Deportivo-ն։

Հավելենք, որ բելգիացի դարպասապահը մեջքի վնասվածքի պատճառով բաց է թողել «Ռեալի» վերջին 4 հանդիպումները։

Հիշեցնենք, որ «Ռեալ Մադրիդ» – «Բարսելոնա» հանդիպումը կկայանա հոկտեմբերի 16-ին` Երևանի ժամանակով 18:15-ից սկսած։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am