Անհավանական Ֆրանսիա! «Եռագույնները» 14 գոլ խփեցին Ջիբրալթարին 🎥
Եվրո-2024-ի որակավորման փուլի 9-րդ տուրում Ֆրանսիայի հավաքականը B խմբի շրջանակում Նիցցայի «Ալիանց Ռիվերա» մարզադաշտում մրցեց Ջիբրալթարի ընտրանու դեմ։
«Եռագույնները» պարզապես անհավանական հանդիպում անցկացրին` մրցակցի դարպասն ուղարկելով 14 անպատասխան գնդակ։
Դիդիե Դեշամի թիմից հեթ-տրրիկի հեղինակ դարձավ Կիլիան Մբապեն, Կինգսլի Կոմանն ու Օլիվիե Ժիրուն իրենց անվան դիմաց դուբլ գրանցեցին, Ժոնաթան Կլոսը, Ուորեն Զայիր-Էմերին, Մարկուս Թյուրամը, Ադրիեն Ռաբիոն, Ուսման Դեմբելեն ու Յուսուֆ Ֆոֆանան աչքի ընկան մեկական անգամ, իսկ հյուրերի պաշտպան Էթան Սանթոսը գրավեց սեփական դարպասը։
B խմբում կայացել է ևս մեկ հանդիպում.
Նիդեռլանդներ 1:0 Իռլանդիա
B խմբի մրցաշարային աղյուսակն այժմ ունի հետևյալ տեսքը.
- Ֆրանսիա – 21 միավոր
- Նիդեռլանդներ – 15
- Հունաստան – 12
- Իռլանդիա (անցկացրած 8 խաղ) – 6
- Ջիբրալթար – 0
Նշենք, որ այս խմբից Ֆրանսիայի ու Նիդեռլանդների հավաքականներն արդեն նվաճել են Եվրո-2024-ի ուղեգիր, իսկ Հունաստանը մասնակցելու է Ազգերի լիգայի C դիվիզիոնի փլեյ-օֆֆ-ին, որի միջոցով նույնպես հնարավորություն կունենա պայքարել Եվրոպայի առաջնության խմբային փուլում հայտնվելու համար։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am