Coppa Italia. Յուվենտուսը հանգիստ շարժվում է առաջ🎥

Իտալիայի գավաթի խաղարկության 1/4 եզրափակչում «Յուվենտուսը» սեփական հարկի տակ ուժերը չափեց Բ սերիան ներկայացնող ՍՊԱԼ-ի դեմ և առանց լուրջ դիմադրության հանդիպելով՝ ապահովեց իր մասնակցությունը կիսաեզրափակչում։ Անդրեա Պիռլոյի սաները մրցակցին ջախջախեցին 4։0 հաշվով։

Հանդիպման հենց մեկնարկային րոպեներին, ինչպես և սպասվում էր, «բյանկոներիները» խաղի ղեկը վերցրին իրենց ձեռքը, որն էլ շուտով երևաց գոլերի տեսքով։

Առաջին խաղակեսի 14-րդ րոպեին ՍՊԱԼ-ի պաշտպանի կոպիտ խաղը պատժվեց 11-մետրանց հարվածով։ Գնդակին մոտեցավ Ալվարո Մորատան և բացեց խաղի հաշիվը՝ 1։0։

«Ծեր սինյաորայի» պաշտպան Ջանլուկա Ֆրաբոտան 33-րդ րոպեին կրկնապատկեց իր թիմի առավելությունը՝ 2։0։

Հատկանշական է 21-ամյա իտալացին, որպես կանոն, խաղը սկսում է պահեստայինների նստարանից, սակայն այս խաղում նա մեկնարկային կազմում է և արդարացնում է մարզչի սպասելիքները։

Առաջին խաղակեսում այլևս գոլեր չգրանցվեցին։

Հաջորդ գոլի ականատեսը եղանք միայն 78-րդ րոպեին։ «Բյանկոներիների» շվեդ կիսապաշտպան Դեյան Կուլուսևսկին գլխի հարվածով եռապատկեց իր թիմի առավելությունը՝ 3։0։

Խաղի վերջակետն էլ 90+4-րդ րոպեին դրեց Ֆեդերիկո Կիեզան։

Այսպիսով, «Յուվենտուսը» հանգիստ շարժվում է առաջ՝դուրս գալով Իտալիայի գավաթի կիսաեզրափակիչ, որի շրջանակում կմրցի «Ինտերի» դեմ։