Անգլիայի հավաքականի հայտացուցակում երկու փոփոխություն է եղել 📸
«Արսենալի» պաշտպան Բեն Ուայթը և «Նյուքասլի» վինգեր Հարվի Բարնսը հրավիրվել են Անգլիայի ազգային հավաքական, հայտնում է «երեք առյուծների» պաշտոնական կայքը։
Բարսը և Ուայթն անգլիացիների հայտացուցակում փոխարինել են «Բայերի» պաշտպան Ջարել Քուանսային ու «Արսենալի» վինգեր Էբերեչի Էզեին, որոնք վնասվածք են ստացել։
28-ամյա Ուայթը հրաժարվում էր «երեք առյուծների» նախկին գլխավոր մարզիչ Գարեթ Սաութգեյթի օրոք հանդես գալ հավաքականում։ Նա 4 անգամ է խաղացել ազգային թիմում, որի կազմում վերջին հանդիպմանը մասնակցել է 2022թ. մարտի 29-ին։
Բարսն էլ միայն մեկ հանդիպման է մասնակցել Անգլիայի հավաքականում` 2020թ. հոկտեմբերի 8-ին։
Թոմաս Տուխելի գլխավորած թիմը մարտի 27-ին ընկերական հանդիպում կանցկացնի Ուրուգվայի, իսկ մարտի 31-ին` Ճապոնիայի հետ։ Երկու հանդիպումներն էլ կկայանան Լոնդոնի «Ուեմբլի» ստադիոնում։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
# Անգլիայի հավաքական, Արսենալ, Բեն Ուայթ, ընկերական-հանդիպումներ, Թոմաս ՏՈւխել, Հարվի Բարնս, Նյուքասլ