Անգլիական գրանդն ավարտին է հասցրել Կալաֆիորիի տրանսֆերը

«Բոլոնիայի» և Իտալիայի ազգային հավաքականի կենտրոնական պաշտպան Ռիկարդո Կալաֆիորին կարիերան կշարունակի Լոնդոնի «Արսենալի» կազմում։

Իսնայդեր Ֆաբրիցիո Ռոմանոն գրում է, որ 22-ամյա ֆուտբոլիստի տեղափոխության հարցում ակումբները հասել են վերջնական համաձայնության։ Կողմերը տրանսֆերն իրականացնելու համար այժմ փոխանակվում են անհրաժեշտ փաստաթղթերով։

Ըստ աղբյուրի` «զինագործները» Կալաֆիորիի տրանսֆերի դիմաց «ռոսոբլուին» վճարելու են 50 մլն եվրո։ Գումարը ներառում է նաև տարբեր հավելավճարներ։ Իտալացի պաշտպանի տրանսֆերի հաջորդ վաճառքից էլ «Բոլոնիան» նաև մասնաբաժին է ունենալու։

Ավելի վաղ հայտնի էր տարձել, որ վերոնշյալ գումարի 50 տոկոսն ստանալու է Կալաֆիորիի նախորդ ակումբը` շվեյցարական «Բազելը»։

Ֆուտբոլիստն «Արսենալի» հետ կնքելու է 5 տարվա պայմանագիր. այն ուժի մեջ կլինի մինչև 2029 թ. հունիսի 30-ը։

Ռիկարդո Կալաֆիորին «Բոլոնիա» էր տեղափոխվել 2023 թ. օգոստոսին, որի կազմում 33 խաղում դառնալով 2 գոլի ու 5 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am