Անգլիական գրանդը 3 տարվա պայմանագիր է առաջարկել Ֆոնսեկային

Անգլիական գրանդը 3 տարվա պայմանագիր է առաջարկել Ֆոնսեկային

10/06/2021 - 11:07

Ինչպես տեղեկացնում է իտալացի ինսայդեր Ֆաբրիցիո Ռոմանոն, «Տոտենհեմը» բանակցություններ է վարում «Ռոմայի» նախկին գլխավոր մարզիչ Պաուլու Ֆոնսեկայի հետ։

Աղբյուրի փոխանցմամբ` «խթանները» պորտուգալացի մասնագետին առաջարկել են 3 տարվա պայմանագիր։

Նշվում է, որ 48-ամյա մասնագետի թեկնածությանը հավանաություն է տվել նաև լոնդոնյան ակումբի նոր սպորտային տնօրեն Ֆաբիո Պարատիչին, ով ուղիղ կապի մեջ է Ֆոնսեկայի հետ։

Հաղորդվում է, որ Ֆոնսեկան բաց է նոր մարտահրավերների համար և ցանկանում է աշխատել «Տոտենհեմի» գլխավոր մարզչի պաշտոնում։ Կողմերը դեռևս համաձայնության չեն հասել, սակայն շատ մոտ են դրան։

Լոնդոնյան ակումբը գլխավոր մարզչի նշանակաման հարցում առաջիկա ժամերին պետք է վերջնական որոշում կայացնի։

Ավելի վաղ լոնդոնցիները բանակցում էին Անտոնիո Կոնտեի հետ, սակայն կողմերը համաձայնության չհասան որոշ ֆինանսական կետերի շուրջ։

Հիշեցնենք, որ Պաուլու Ֆոնսեկայի վերջին աշխատավայրը «Ռոման» էր, որը նա մարզել է 2019-2021 թթ.։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023