Պորտուգալիայի հավաքականը հաղթեց ադրբեջանցիներին🎥

Աշխարհի 2022 թվականի առաջնության որակավորման փուլի 1-ին տուրում Պորտուգալիայի հավաքականը A խմբի շրջանակում մրցեց Ադրբեջանի հավաքականի դեմ։

Հավելենք, որ այս հանդիպումը, կորոնավիրուսի համաճարակի պատճառով, կայացավ Թուրինի «Ալյանց» մարզադաշտում։

Այս խաղում կար բացահայտ ֆավորիտ, և գրեթե ողջ հանդիպումն անցավ Պորտուգալիայի հավաքականի տոտալ առավելությամբ, սակայն, չնայած այդ առավելությանը, Ֆերնանդու Սանտուշի սաներն ընդամենը մեկ գնդակ ուղարկեցին մեր ոչ բարով-խերով հարևանի դարպասը․ հանդիպման 38-րդ րոպեին ինքնագոլի հեղինակ դարձավ ադրբեջանցիների ավագ Մաքսիմ Մեդվեդևը։

Հատկանշական է, որ Պորտուգալիայի հավաքականի առավելությունն այնքան ակնհայտ էր, որ արտահայտվել է նաև թվերի տեսքով։ Եվրոպայի գործող չեմպիոնները ողջ հանդիպման ընթացքում գնդակին տիրել են ժամանակի 68%-ը, կատարել են 29 հարված, որոնցից 15-ը եղել է դիպուկ, իրացրել են 10 անկյունային, ինչպես նաև անցկացրել են 122 վտանգավոր գրոհ։

Այս խմբի մյուս խաղում էլ Սերբիայի հավաքականը գոլառատ պայքարում 3։2 հաշվով դժվար հաղթանակ տարավ Իռլանդիայի ընտրանու նկատմամբ։

Այսպիսով, A խմբում պորտուգալացիներն ու սերբերը մեկնարկային խաղից հետո վաստակեցին 3-ական միավոր, Ադրբեջանն ու Իռլանդիան միավորներ չունեն, իսկ Լյուքսեմբուրգի հավաքականը դեռևս չի սկսել պայքաը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am