🇪🇸Իսպանիայի գավաթ. Բետիսը հիացնում է` հյուրընկալվելիս ջախջախելով Ռեալ Սոսիեդադին🎥

Իսպանիայի գավաթի 1/4 եզրափակիչի շրջանակում «Բետիսը» Սան Սեբաստիանի «Ռեալե Արենա» մարզադաշտում հյուրընկալվելիս մրցեց «Ռեալ Սոսիեդադի» դեմ։

Անդալուսական ակումբը պարզապես հիասքանչ հանդիպում անցկացրեց, ինչն էլ նպաստեց, որ Մանուել Պելեգրինիի սաները «Սոսիեդադին» ջախջախեցին 4:0 հաշվով։

«Բետիսի» կազմից դուբլի հեղինակ դարձավ Խուանմին, մեկական անգամ էլ աչքի ընկան Վիլիան Ժոզեն ու Այտոր Ռուբիալը։

Այսպիսով, «վերդիբլանկոսը» նվաճեց Իսպանիայի գավաթի կիսաեզրափակիչի ուղեգիր` միանալով «Ռայո Վալեկանոյին» ու «Վալենսիային»։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am