Օբամեյանգը մարզվել է Բարսելոնայի կազմում` չնայած դեռ Արսենալի ֆուտբոլիստ է 📸

Ինչպես արդեն տեղեկացրել ենք, «Արսենալի» հարձակվող Պիեր-Էմերիկ Օբամեյանգը կարիերան շարունակելու է «Բարսելոնայի» կազմում։

Ինչպես տեղեկացնում է լրագրող Տոնի Խուանմարտին, չնայած երկու ակումբները դեռևս չեն հայտարարել տրանսֆերի մասին, գաբոնցի ֆուտբոլիստն այցելել է «Բարսելոնայի» մարզաբազա ու մարզում անցկացրել այնտեղ։

Աղբյուրի փոխանցմամբ` 32-ամյա ֆուտբոլիստը կատարել է այն առաջադրանքները, որոնք նրան տվել է «բլաուգրանասի» գլխավոր մարզիչ Խավին։

Նշվում է, որ Օբամեյամգը մարզման մեծ մասն անցկացրել է Ուսման Դեմբելեի հետ, ում հետ հանդես է եկել «Բորուսիա Դորտմունդի» հետ։

Հիշեցնենք, որ Օբամեյանգը «Բարսելոնայի» հետ կնքել է 6 ամսվա պայմանագիր, որը հնարավորություն կտա կողմերին այն երկարաձգել ևս 1 տարով։

Խուանմարտին հրապարակել է նաև այդ մարզման լուսանկարը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am