Օբամեյանգը Բարսելոնայի կազմում անհավանական ցածր աշխատավարձ կստանա

Ինչպես արդեն տեղեկացրել ենք, «Բարսելոնան» ավարտին է հասցրել «Արսենալի» հարձակվող Պիեր-Էմերիկ Օբամեյանգի տրանսֆերը։

Հայտնի է դարձել, թե որքան աշխատավարձ է ստանալու գաբոնցի ֆուտբոլիստը նոր ակումբում։

Ըստ Mundo Deportivo-ի տեղեկությունների` մինչև հունիսի 30-ը 32-ամյա ֆուտբոլիստը շաբաթական կվաստակի ընդամենը 5 հազար եվրո աշխատավարձ, սակայն հաջորդ` 2022/23 մրցաշրջանից այն էականորեն կավելանա։

Ավելի վաղ հաղորդվում էր, Պիեր-Էմերիկ Օբամեյանգը նոր ակումբի հետ կնքել է 6 ամսվա պայմանագիր, որն ունենալու է ևս 1 տարով երկարաձգելու հնարավորություն։

Նշվում է, որ գաբոնցի ֆուտբոլիստը կատալոնական ակումբի շարքերը կհամալրի անվճար, քանի որ խզելու է «Արսենալի» հետ գորպող պայմանագիրը։

Հավելենք, որ ըստ տարբեր աղբյուրների Օբամեյանգը «Արսենալում» վաստակում էր շաբաթական 250 հազար ֆունտ աշխատավարձ։ Նա ակումբի ամենաբարձր վարձատրվող ֆուտբոլիստն էր

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am