Ռոնալդուի պայմանագրում հատուկ կետ կա, որը նրան թույլ կտա տեղափոխվել Նյուքասլ

Հունվարի 3-ին «Ալ Նասրը» պաշտոնապես ներկայացրեց Կրիշտիանու Ռոնալդուին։

Տեղի ունեցած մամուլի աոուլիսի ժամանակ 37-ամյա ֆուտբոլիստը հայտնեց, որ Եվրոպայում իր աշխտանաքն ավարտված է։

Այդուհանդերձ, ինչպես տեղեկացնում է Marca-ն, պորտուգալացի հարձակվողը դեռևս կարող է վերադառնալ եվրոպական ֆուտբոլ։

Բանն այն է, որ Ռոնալդուի և «Ալ Նասրի» միջև կնքված պայմանագրում կա հատուկ կետ, որը թույլ կտա նրան վարձավճարով տեղափոխվել «Նյուքասլ», եթե «կաչաղակները» 2022/23 մրցաշրջանի արդյունքում նվաճեն Չեմպիոնների լիգայի ուղեգիր։

Հատկանշական է, որ «Նյուքասլն» այժմ պատկանում է Սաուդյան Արաբիայի ներդրումային հիմնադրամին, որին էլ հաջողվել է Ռոնալդուի պայմանագրում ներառել նման կետ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am