Ռոման ջախջախիչ հաղթանակով մեկնարկեց ԿԼ-ի խմբային փուլը🎥

Ռոման ջախջախիչ հաղթանակով մեկնարկեց ԿԼ-ի խմբային փուլը🎥

17/09/2021 - 00:50

Կոնֆերենցիաների լիգայի խմբային փուլի 1-ին տուրում «Ռոման» C խմբի շրջանակում «Օլիմպիկո» մարզադաշտում մրցեց Սոֆիայի ԲԿՄԱ-ի դեմ։

հանդիպումը բավական անսպասելի մեկնարկ ունեցավ, քանի որ 10-րդ րոպեին բուլարական ակումբը Գրեհեմ Քերիի խփած գոլի շնորհիվ բացեց խաղի հաշիվը։

Բաց թողած գոլից հետո «գայլերն» արագ ուշքի եկան և նախքան ընդմիջման գնալը ոչ միայն հավասարեցրին, այլև առաջ անցան հաշվի մեջ։

Նախ 25-րդ րոպեին աչքի ընկավ Լորենցո Պելեգրինին, ապա 38-րդ րոպեին Ստեֆան Էլ-Շարավին։

Երկրորդ խաղակեսում Ժոզե Մոուրինիոյի սաներն էլ ավելի մեծացրին իրենց առավելությունը` ևս երեք գնդակ ուղարկելով մրցակցի դարպասը։

62-րդ րոպեին կրկին գոլի հեղինակ դարձավ Պելեգրինին` իր անվան դիմաց գրանցելով դուբլ, իսկ 82-րդ ու 84-րդ րոպեներին` համապատասխանաբար Ջանլուկա Մանչինին և Թեմի Աբրահամը։

Այսպիսով, «Ռոման» 5:1 հաշվով ջախջախեց ԲԿՄԱ Սոֆիային։

Հավելենք, որ հռոմեական ակումբի կազմում այս հանդիպմանը հայտավորված էր նաև Հենրիխ Մխիթարյանը, ով, սակայն մնաց պահեստայինների նստարանին։

C խմբի շրջանակում կայացել է ևս մեկ հանդիպում.

«Բուդե/Գլիմտ» 3:1 «Զարիա»

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022