Ռեյնջերսը 12 տարի անց վերադառնում է Չեմպիոնների լիգա` հաղթելով ՊՍՎ-ին 🎥
Չեմպիոնների լիգայի որակավորման փլեյ-օֆֆ փուլի պատասխան խաղում «Ռեյնջերսը» հյուրընկալվելիս մրցեց ՊՍՎ-ի դեմ։
Հիշեցնենք, որ դիմակայության առաջին խաղում գրանցվել էր մարտական ոչ-ոքի` 2:2։
Ինչ վերաբերում է պատասխան հանդիպմանը, ապա հիմնականում հավասար պայքարում ընթացած խաղում շոտլանդական ակումբը հաղթեց 1:0 հաշվով։
Ջովանի վան Բրոնխորսթի թիմին հաղթանակ պարգևեց 60-րդ րոպեին Անտոնիո Չոլակի խփած միակ գոլը։
Այսպիսով, «ռենջերներն» ընդհանուր դիմակայությունում հաղթեցին 3:2 հաշվով և 12 տարի անց նվաճեցին Չեմպիոնների լիգայի խմբային փուլի ուղեգիր։
«Ռեյնջերսը» վերջին անգամ ՉԼ խմբային փուլին մասնակցել էր 2010/11 մրցաշրջանում։
Հավելենք, որ ՊՍՎ-ն էլ կարիերան կշարունակի Եվրոպա լիգայի խմբային փուլում։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am