Պերեսի նախագահության օրոք Ռեալը 1000-րդ հանդիպումն է անցկացրել

Իսպանական Լա լիգայի 29-րդ տուրի շրջանակում «Ռեալը» սեփական հարկի տակ 2։0 հաշվով վստահ հաղթանակ տարավ հետնապահների թվում ընթացող «Էյբարի» նկատմամբ։

Ինչպես տեղեկացնում է Mister Chip-ը, «արքայական» ակումբը Ֆլորենտինո Պերեսի նախագահության օրոք անցկացրել է 1000-րդ պաշտոնական հանդիպումը։

Այդ ընթացքում «Ռեալը» տոնել է 656 հաղթանակ, 172 հանդիպում ավարտել է ոչ-ոքի, նույնքան հանդիպում էլ պարտվել է՝ գնդակների 2320։1027 հարաբերակցությամբ։

Հիշեցնենք, որ Ֆլորենտինո Պերեսը մադրիդյան ակումբի նախագահ է եղել 2000-2006 թթ․, իսկ 2009-ին վերադարձավ այդ պաշտոնին և մինչ օրս ղեկավարում է «սերուցքայիններին»։

«Ռեալը» Պերեսի օրոք նվաճել է 26 տիտղոս, այդ թվում՝ 5-ական անգամ դարձել է Լա լիգայի չեմպիոն ու Չեմպիոնների լիգայի հաղթող։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am