ՊՍԺ-ից մի շարք ֆուտբոլիստներ կհեռանան

14/06/2020 - 11:55

ՊՍԺ-ի սպորտային տնօրեն Լեոնարդոն հաստատել է, որ ակումբը չի երկարաձգի պայմանագրերը ակումբի ավագ Տիագո Սիլվայի և ակումբի պատմության լավագույն ռմբարկու Էդինսոն Կավանիի հետ, որոնք ակումբից հեռանան որպես ազատ գործակալ։

«Շատ դժվար որոշում է։ Այս ֆուտբոլիստները գրել են ակումբի պատմությունը, սակայն մեր համագործակցությունը մոտենում է ավարտին։

Մենք պետք է տրամաբանական որոշում կայացնեինք՝ հաշվի առնելով ֆինանսական դրվածքը և երիտասարդ խաղացողների հնարավորությունները։

Մենք մասնակցում ենք Չեմպիոնների լիգային և ցանկանում ենք նրանց պահպանել մինչև օգոստոսի վերջ, սակայն իրավական տեսանկյունից չգիտեմ, թե ինչպես է դա հնարավոր իրագործել»,- նշել է Լեոնարդոն, ում խոսքերը մեջբերում է Le Journal de Dimanche-ն։

Իսկ ահա ինչպես տեղեկացնում է իտալացի լրագրող Նիկոլո Սկիրան, բացի Կավանիից և Սիլվայից՝ ակումբը կլքեն նաև Թոմա Մենյեն, Լայվին Կուրզավան, ինչպես նաև Էրիկ Մաքսիմ Չուպո-Մոտինգը, որոնց հետ նույնպես չի երկարաձգվի պայմանագրերը։

#PSG director #Leonardo confirms #ThiagoSilva (the captain of the team) and Edinson #Cavani (the club's all-time top scorer) will leave Paris at the end of the sesson (After Final 8 UCL). #transfers
— Nicolò Schira (@NicoSchira) June 13, 2020

#Leonardo has also confirmed Thomas #Meunier and Layvin #Kurzawa will leave Paris in summer. Their contracts with #PSG will not extend. #transfers
— Nicolò Schira (@NicoSchira) June 13, 2020

Նշենք, որ Էդինսոն Կավանին ՊՍԺ-ի կազմում հանդես է գալիս 2013 թվականին և ակումբի կազմում մասնակցել է 301 հանդիպման՝ դառնալով 200 գոլի հեղինակ։ Նա ակումբի պատմության լավագույն ռմբարկուն է, իսկ Տիագո Սիլվան փարիզյան ակումբի կազմում հանդես է գալիս 2012 թվականից՝ մասնակցելով 310 հանդիպման։

# Էդինսոն-Կավանի, Էրիկ Մաքսիմ Չուպո-Մոտինգ, Թոմա Մենյե, Լայվին Կուրզավա, Լեոնարդո, ՊՍԺ, Տիագո Սիլվա