Մի շարք գրանդ ակումբներ Սուպերլիգայի մշտական անդամ կլինեն

Հայտնի են դարձել, թե որ ակումբներն են մասնակցելու Սուպերլիգային, եթե մրցաշարը, ի վերջո, կյանքի կոչվի։

Ինչպես տեղեկացնում է Football Italia-ն, եվրոպական գրանդ ակումբները պատրաստվում են անտեսել ՖԻՖԱ-ի ու աշխարհամասային մյուս կոնֆեդերացիաների այն կոչը, ըստ որի, եթե որևէ ակումբ կամ ֆուտբոլիստ դառնա Սուպերլիգայի անդամ, ապա կզրկվի ՖԻՖԱ-ի կամ մյուս կոնֆեդերացիանի հովանու ներքո ացկացվող մրցաշարերին մասնակցելու իրավունքից։

Միակ ակումբային մրցաշարը, որն ընդունված է ՖԻՖԱ-ի կողմից, աշխարհի ակումբային առաջնությունն է։ ՖԻՖԱ-ի կոմղից ճանաչաված են նաև տարածաշրջանային այն ակումբային մրցաշարերը, որոնք անցկացվում են այլ ֆեդերացիաների հովանավորությամբ։

Աղբյուրի փոխանցմամբ՝ եվրոպական գրանդ ակումբները մրցաշարը մտադիր են ստեղծել և կյանքի կոչել 2022/23 մրցաշրջանից սկսած։

Հաղորդվում է, որ մրցաշարին մասնակցելու են 20 ակումբներ, որոնցից 15-ը լինելու են մշտական անդամներ։

Այդ մշտական անդամներն են «Ինտերը», «Միլանը», «Յուվենտուսը», «Արսենալը», «Չելսին», «Լիվերպուլը», «Տոտենհեմը», «Մանչեսթեր Սիթին», «Մանչեսթեր Յունայթեդը», «Ատլետիկո Մադրիդը», «Բարսելոնան», «Ռեալ Մադրիդը», «Բավարիան», «Բորուսիա Դորտմունդը», ինչպես նաև ՊՍԺ-ն։

Սպասվում է, որ այս ակումբները յուրաքանչյուր տարի կվաստակեն երաշխավորված 350 մլն եվրո։

Հավանական է, որ մրցաշարի մասնակիցները կբաժանվեն երկու խմբի՝ 10-ական մասնակիցներով։

Այն ակումբները, որոնց կհաջողվի զբաղեցնել 1-4-րդ հորիզոնականները՝ կնվաճեն մրցաշարի փլեյ-օֆֆ փուլի ուղեգիր։

Հաղորդվում է նաև, որ ՈՒԵՖԱ-ն Սուպերլիգայի գաղափարին զուգահեռ, պատրաստվում է ներկայացնել Չեմպիոնների լիգայի անցկացման նոր ձևաչափը։

Ըստ նոր ձևաչափի՝ մրցաշարը պետք է անցկացվի 2024-2027 թթ․ ընկած ժամանակահատվածում։

Եթե այդ տարբերակը հաստատվի, ապա մրցաշարի շրջանակում յուրաքանչյուր ակումբ նվազագույնը պետք է անցկացնի 10 հանդիպում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am