Մոնցան հետաքրքրված է  աստղային ֆուտբոլիստների ծառայություններով

Մոնցան հետաքրքրված է աստղային ֆուտբոլիստների ծառայություններով

02/07/2022 - 12:23

Ա սերիայի նորեկ «Մոնցան» մտադիր է էականորեն ամրապնդել կազմը։

Ինչպես հայտնում է լրագրող Ջանլուկա դի Մարցիոն, Միլանի արվարձանը ներկայացնող ակումբը հետաքրքրված է Մաուրո Իկարդիի (ՊՍԺ) և «Յուվենտուսի» նախկին հարձակվող Պաուլո Դիբալայի ծառայություններով։

Հաղորդվում է, որ «Մոնցայի» տնօրենների խորհրդի նախագահ Ադրիանո Գալիանին արդեն կապ է հաստատել արգենտինացի ֆուտբոլիստների գործակալների` Վանդա Նարայի և Խորխե Անտունի հետ։

Այդ գործարքների իրականացմանը կարող է խթանել այն հանգամանքը, որ Դիբալան այժմ ազատ գործակալ է, իսկ «Պարի Սեն-Ժերմենն» ամեն կերպ ցանկանում է վաճառել Իկարդիին։

Բացի դրանից, «Մոնցան» մտադիր է թիմ հրավիրել նաև պաշտպաններ Կան Այհանին («Սասուոլո») և Օսկար Մինգեսային («Բարսելոնա»), որոնց տեղափոխությունների հարցում Գալիանին արդեն բանակցություններ է վարում։

Հավելենք, որ «Մոնցան» արդեն լուրջ համալրումներ ունեցել է։

«Բիանկոռոսին» ազատ գործակալի կարգավիճակով պայմանագիր է կնքել «Ինտերի» նախկին կենտրոնական պաշտպան Անդրեա Ռանոկիայի հետ, պարտադիր գնման իրավունքով վարձակալել է «Կալյարիի» դարպասապահ Անդրեա Կոնսիլիին, նույն ակումբից էլ 4 եվրոյի դիմաց էլ գնել է կենտրոնական պաշտպան Անդրեա Կարբոնիին։

Կան խոսակցություններ, որ «Մոնցան» աշխատում է նաև Ստեֆանո Սենսիի («Ինտեր»), Նայթան Նանդեսի («Կալյարի»), Մատեո Պեսինայի («Ատալանտա») և Նիկոլո Կազալեի («Վերոնա») գործարքներն իրականացնելու ուղղությամբ։

Հիշեցնենք, որ «Մոնցան» պատկանում է «Միլանի» նախկին սեփականատեր Սիլվիո Բեռլուսկոնիին։ Ակումբը 2022/23 մրցաշրջանում առաջին անգամ հանդես է գալու Ա սերիայում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , , , , , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022