«Մարսելը» չի կարողացել օգտվել ՊՍԺ-ի պարտությունից 🎥

Ֆրանսիայի Լիգա 1-ի 14-րդ տուրում «Մարսելը» «Վելոդրոմ» ստադիոնում չի կարողացել հաղթել «Թուլուզին». գրանցվել է 2:2 հաշիվը։

Հյուրերից հաշիվը 14-րդ րոպեին բացել է Էմերսոնը, այնուհետև պրովանսյան ակումբից 66-րդ ու 74-րդ րոպեներին գոլով աչքի են ընկել համապատասխանաբար Իգոր Պայշաոն ու Պիեր-Էմիլ Հոյբերգը։

Երբ թվում էր, թե Ռոբերտո Դե Ձերբիի գլխավորած թիմը կտանի անչափ կարևոր հաղթանակ, 90+2-ին Սանտիագո Իդալգոն ոչ-ոքի է կորզել «Թուլուզի» համար։

«Մարսելը» չի կարողացել օգտվել գործող չեմպիոն ՊՍԺ-ի` «Մոնակոյից» կրած պարտությունից և 29 միավորով մնացել է երկրորդ տեղում։ Փարիզյանը գրանդը 30 միավորով առաջնության առաջատարն է։ «Թուլուզը» 17 միավորով 9-րդ տեղում է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml