Ման. Յունայթեդը կրկին պարտվեց Բավարիային` դուրս մնալով եվրագավաթային հետագա պայքարից 🎥

Չեմպիոնների լիգայի վերջին` 6-րդ տուրում, «Մանչեսթեր Յունայթեդը» A խմբի շրջանակում «Օլդ Թրաֆորդ» մարզադաշտում մրցեց «Բավարիայի» դեմ։

Հանդիպման ընթացքում գրանցվեց դարպասի ընդամենը մեկ գրավում. «ռեկորդ մայսթերը» հաղթեց 1:0 հաշվով։

Թոմաս Տուխելի թիմին հաղթանակ պարգևեց 70-րդ րոպեին Կինգսլի Կոմանի խփած միակ գոլը։

A խմբում կայացել է ևս մեկ հանդիպում.

«Կոպենհագեն» 1:0 «Գալաթասարայ»

Խումբը վերջնական ստացավ հետևյալ տեսքը.

1. «Բավարիա» – 16 միավոր
2. «Կոպենհագեն» – 8
3. «Գալաթասարայ» – 5
4. «Մանչեսթեր Յունայթեդ» – 4

Այսպիսով, A խմբից «Բավարիան» և «Կոպենհագենը» նվաճեցին Չեմպիոնների լիգայի 1/8 եզրափակիչի ուղեգիր, «Գալաթասարայը» պայքարը կշարունակի Եվրոպա լիգայի 1/16 եզրափակիչում, իսկ «Մանչեսթեր Յունայթեդը» դուրս մնաց եվրագավաթային հետագա պայքարից։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am