Հայաստանի հավաքականը խոշոր հաշվով պարտվեց Ուկրաինային🎥

Հայաստանի հավաքականը խոշոր հաշվով պարտվեց Ուկրաինային🎥

11/06/2022 - 18:56

Ազգերի լիգայի B դիվիզիոնի 1-ին խմբի 3-րդ տուրում` Լեհաստանի Լոձ քաղաքի «Միյեսկի» մարզադաշտում, միմյանց դեմ մրցեցին Ուկրաինայի և Հայաստանի հավաքականները։

Հանդիպման առաջին կեսում ուկրաինացիներն ունեին տարածքային մեծ առավելություն և գնդակին տիրում էին ժամանակի 72%-ը, սակայն Ալեքսանդր Պետրակովի թիմն այդ ընթացքում ստեղծեց միայն մեկ իրական գոլային պահ, երբ 7-րդ րոպեին Ռոման Յարեմչուկի հարվածից հետո մեր հավաքականին փրկեց Դավիթ Յուրչենկնո։

Ինչ վերաբերում է Հայաստանի հավաքականին, ապա Խոակին Կապառոսի սաները, նախորդ երկու հանդիպումների համեմատ, ավելի լավ էին հակագրոհում ու պաշտպանվում, սակայն մեր տղաները գրոհների եզրափակիչ հատվածում հապաղում էին` կայացնելով սխալ որոշում։

Կողմերն ընդմիջման գնացին 0:0 հաշվի պայմաններում։

Երկրորդ խաղակեսի սկզբնամասում գործնականում հավսար պայքար էր ընթանում, սակայն, ինչ-որ պահից սկսած, «դեղինները» տիրեցին նախաձեռնությանը։

Միայն Ռուսլան Մալինովսկին հեռահար հարվածներով կարող էր աչքի ընկնել երկու անգամ, սակայն Դավիթ Յուրչենկոն անձնուրաց գործեց այդ դրվագներում։

Ամեն դեպքում, 61-րդ րոպեին Մալինովսկին խփեց իր գոլն ու բացեց հանդիպման հաշիվը։

Ցավոք, բաց թողած գոլը կոտրեց մեր տղաներին, ովքեր խաղավերջում ստիպված էին ևս երկու գնդակ հանել սեփական դարպասից. 77-րդ ու 85-րդ րոպեներին աչքի ընկան համապատասխանաբար Ալեքսանդր Կարավաևն ու Վիտալի Միկոլենկոն։

Այսպիսով, Հայաստանի հավաքականը 0:3 հաշվով ցավալի պարտություն կրեց Ուկրաինայից։

Ալեքսանդր Պետրակովի թիմն այս հաղթանակից հետո վաստակեց 6 միավոր և գլխավորեց B դիվիզիոնի 1-ին խումբը։

Հայաստանը, 3 միավորով, 3-րդն է։

Հավելենք, որ այս խմբում կկայանա ևս մեկ հանդիպում.

Իռլանդիա – Շոտլանդիա

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022