ՖԻՖԱ-ն անդրադարձել է Հայաստանի հավաքականի հաղթանակին
Աշխարհի 2022 թվականի առաջնության որակավորման փուլի 2-րդ տուրի շրջանակում Հայաստանի հավաքականը Երևանի Վազգեն Սարգսյանի անվան «Հանրապետական» մարզադաշտում 2։0 հաշվով հիանալի հաղթանակ տարավ Իսլանդիայի ընտրանու նկատմամբ։
Այդ հաղթանակի շնորհիվ Հայաստանի հավաքականը Գերմանիայի հավաքականի հետ 6-ական միավորով գլխավորեց J խմբի մրցաշարային աղյուսակը, ինչը չի վրիպել նաև ՖԻՖԱ-ի աչքից` աշխարհի առաջնությունների Twitter-ի պաշտոնական էջում կատարելով գրառում․
«😮Հայաստանը շոկի է ենթարկում մրցակիցներին երկրորդ անընդմեջ հաղթանակից հետո»։
Հիշեցնենք, որ ԱԱ որակավորման փուլի շրջանակում Հայաստանի հավաքականն իր հաջորդ հանդիպումը կանցկացնի մարտի 31-ին Երևանում ընդունելով Ռումինիայի ընտրանուն։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am