Լևանդովսկին պայմանագիր է համաձայնեցրել Բարսելոնայի հետ

Լևանդովսկին պայմանագիր է համաձայնեցրել Բարսելոնայի հետ

18/05/2022 - 13:23

«Բավարիայի» հարձակվող Ռոբերտ Լևանդովսկին ամառային տրանսֆերային պատուհանի ժամանակ, ամենայն հավանականությամբ, կփոխի ակումբային գրանցումն ու կարիերան կշարունակի «Բարսելոնայի» կազմում։

Ինպես հայտնում է ինսայդեր Նիկոլո Սկիրան, լեհ ֆուտբոլիստն արդեն անձնական պայմանագիր է համաձայնեցրել «բլաուգրանայի» հետ։

Աղբյուրի փոխանցմամբ` կողմերի միջև պայմանագիրը կնքվելու է մինչև 2025 թ. հունիսի 30-ը։

Այժմ «Բարսելոնան» 33-ամյա տրանսֆերի հարցում պետք է բանակցություններ սկսի մյունխենյան ակումբի հետ։

Ավելի վաղ Լևանդովսկին հայտարարել էր, որ «Բավարիայից» պայմանագրի երկարաձգման առաջարկ չի ստացել և որոշել է հեռանալ ակումբից։

Նշենք, որ գոլահարի ու մյունխենյան ակումբի միջև գործող պայմանագիրն ավարտվում է 2023 թ. հունիսի 30-ին։

Հիշեցնենք, որ Ռոբերտ Լևանդովսկին «Բավարիայի» կազմում հանդես է գալիս 2014 թ. հուլիսից, որի մարզաշապիկով անցկացրել է 374 հանդիպում` դառնալով 344 գոլի և 72 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022