Ինտերը պատրաստվում է փոխանակում առաջարկել Ատալանտային

«Ինտերն» ու «Ատալանտան», հավանական է, փոխանակվեն ֆուտբոլիստներով։

«Ատալանտայի» ավագ Ալեխանդրո Գոմեսը, ով կոնֆլիկտ ունի ակումբի գլխավոր մարզիչ Ջանպիերո Գասպերինիի հետ, ցանկանում է հեռանալ ակումբից և նոր ակումբ է փնտրում։

Ինչպես տեղեկացնում է  Sempre Inter-ը՝ հղում կատարելով Tuttosport-ին, «Ինտերը» ցանկանում է ձեռք բերել Գոմեսին, իսկ նրա փոխարեն առաջարկել Մաթիաս Վեսիոյի ծառայությունները։

Աղբյուրի փոխանցմամբ՝ արգենտինացի կիսապաշտպանին իր շարքերում են ցանկանում տեսնել նաև «Միլանն» ու «Տորինոն»։

Հիշեցնենք, որ վերջին շրջանում խոսակցություններ տարածվեցին, որ Ալեխանդրո Գոմսեը «Ատալանտայի» գլխավոր մարզիչ Ջանպիերո Գասպերինիի հետ լուրջ կոնֆլիկտ ունի։ Նշվում է, որ նրան ՉԼ-ի 5-րդ տուրի «Միդյուլլանի» դեմ հանդիպումից հետո նույնիսկ ձեռնամարտի են բռնվել։