Ժոան Լապորտան վարակվել է կորոնավիրուսով

Ժոան Լապորտան վարակվել է կորոնավիրուսով

05/01/2022 - 11:59

Ինչպես տեղեկացնում է «Բարսելոնայի» պաշտոնական կայքը, ակումբի նախագահ Ժոան Լապորտան վարակվել է կորոնավիրուսով։

Աղբյուրի փոխանցմամբ` քանի որ 59-ամյա ֆունկցիոները շփվել էր Covid-19-ով վարակված անձանց հոտ, հունվարի 4-ին ՊՇՌ-թեստ է հանձնել, որը եղել է դրական։

Լապորտան իրեն լավ է զգում և ինքնամեկուսացել է, այդ պատճառով էլ ակումբի հետ չի մեկնելու Իսպանիայի գավաթի 1/16 եզրափակիչի «Լինարեսի» դեմ կայանալիք արտագնա հանդիպմամը։

Հաղորդվում է, որ, ճիշտ է, ակումբի փոխնախագահ Ռաֆայել Յուստեի թեստի պատասխանը բացասական է եղել, սակայն հակահամաճարակային կանոնները պահպանելու նպատակով Յուստեն նույնպես չի մեկնել Լինարես։

Հավելենք, որ «Լինարես» – «Բարսելոնա» հանդիպումը կկայանա հունվարի 5-ին` Երևանի ժամանակով 22:30-ից սկսած։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022