Թրիլլեր Էլ Վակրայում. Սերբիան ու Կամերունը գոլառատ խաղում չպարզեցին հաղթողին 🎥

Թրիլլեր Էլ Վակրայում. Սերբիան ու Կամերունը գոլառատ խաղում չպարզեցին հաղթողին 🎥

28/11/2022 - 16:18

ԱԱ-2022-ի G խմբի 2-րդ տուրում Սերբիայի հավաքականն Էլ Վակրայում մրցեց Կամերունի ընտրանու դեմ։

Հանդիպման սկզբնամասն անցավ բալկանների առավելությամբ, ովքեր ստեղծեցին մի շարք գոլային պահեր, սակայն չկարողացան բացել հաշիվը։

Դեռ ավելին` «առյուծներն» անկյունայինի խաղարկումից հետո 29-րդ րոպեին Ջան-Շարլ Կաստալետոյի ջանքերով առաջ անցան հաշվի մեջ։

Դրագան Ստոյկովիչի սաների պատասխանը չուշացավ, ովքեր նախքան ընդմիջման գնալը նախ հավասարեցրին, այլև առաջ անցան հաշվի մեջ. 45+1-րդ ու 45+3-րդ րոպեներին աչքի ընկան համապատասխանաբար Ստրահինիա Պավլովիչն ու Սերգեյ Միլինկովիչ-Սավիչը։

Նոր-նոր էր մեկնարկել երկրորդ կեսը, երբ կամերունցիների դարպասապահ Դևիդ Էպասին նաև երրորդ գնդակը հանեց սեփական դարպասից. 53-րդ րոպեին սերբերի առավելությունը մեծացրեց Ալեքսանդր Միտրովիչը։

Թվում էր` սերբերն այս առավելությունն այլևս ձեռքից բաց չեն թողնի, սակայն այդ սցենարի հետ ոչ մի կերպ համաձայն չէին Ռիգոբեր Սոնգի սաները, ովքեր ընդամենը 3 րոպեում` 63-րդ ու 66-րդ րոպեներին, միանման երկու գոլեր խփեցին և շոկի ենթարկեցին բալկաններին. գոլերը խփեցին Վենսան Աբուբաքարն ու Էրիկ Մաքսիմ Չուպո-Մոտինգը։

Հանդիպման վերջնամասում սերբերն ավելի մոտ էին հաղթանակ կորզելուն, քան մրցակիցը, սակայն Ֆիլիպ Կոստիչն ու Ալեքսանդր Միտրովիչը վրիպեցին նպաստավոր դիրքերից։

Ի վերջո, հանդիպումն ավարտվեց 3:3 հաշվով։

Այս խմբում կկայանա ևս մեկ հանդիպում.

Բրազիլիա – Շվեյցարիա

G խումբն այս խաղից հետո ստացավ հետևյալ տեսքը.

  1. Բրազիլիա – 3 միավոր
  2. Շվեյցարիա – 3 միավոր
  3. Կամերուն (անցկացրած երկու հանդիպում) – 1 միավոր
  4. Սերբիա (անցկացրած երկու հանդիպում) – 1 միավոր

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022