Թրիլեր «Էթիհադում». Ման. Յունաթեդը ֆանտաստիկ comeback արեց Ման. Սիթիի դեմ խաղում 🎥
Անգլիական Պրեմիեր լիգայի 16-րդ տուրում կայացավ մանկունյական հերթական դերբին. «Մանչեսթեր Յունայթեդը» «Էթիհադ» մարզադաշտում մրցեց «Մանչեսթեր Սիթիի» դեմ։
Թրիլերային պայքարում անցած խաղում «կարմիր սատանաները» խաղավերջում կարողացան comeback անել և հաղթել 2:1 հաշվով։
«Սիթին» 36-րդ րոպեից հաղթում էր Յոշկո Գվարդիոլի խփած գոլի շնորհիվ, սակայն 88-րդ րոպեին «քաղաքաբնակների» կիսապաշտպան Մատեուշ Նունեշը կոպիտ սխալ թույլ տվեց, ինչից հետո ստիպված էր սեփական տուգանային հրապարակում կանոնների խախտում թույլ տալ «Յունայթեդի» վինգեր Ամադ Դիալոյի նկատմամբ։
Էնթոնի Թեյլորը 11-մետրանոց նշանակեց, որը դիպուկ իրացրեց Բրունու Ֆերնանդեշը։
Երկու րոպե անց Ռուբեն Ամորիմի գլխավորած թիմի պաշտպան Լիսանդրո Մարտինեսը հիասքանչ փոխանցումով հարվածային դիրք դուրս բերեց նույն Դիալոյին։ Վերջինս գրավեց Էդերսոնի պաշտպանած դարպասն ու կամային հաղթանակ պարգևեց «Յունայթեդին»։
«Մանչեսթեր Յունայթեդը» վաստակեց 22 միավոր և բարձրացավ 12-րդ տեղ։ «Սիթին» 27 միավորով 5-րդն է։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից