Ըմբշամարտի ԵԱ. Վազգեն Թևանյանը սփոփիչ գոտեմարտ կանցկացնի

Ռումինիայի մայրաքաղաք Բուխարեստում շարունակվում է ազատ ոճի ըմբշամարտի Եվրոպայի առաջնությունը։

Վազգեն Թևանյանը (65 կգ) պայքարն սկսեց փետրվարի 16-ին և մեկնարկային գոտեմարտում վստահ հաղթանակից հետո 4:5 հաշվով զիջեց չեզոք դրոշի ներքո հանդես եկող ռուս Գաջիմուրադ Ռաշիդովին։

Հետագայում Ռաշիդովը հասավ եզրափակիչ` հնարավորություն տալով Թևանյանին անցկացնել սփոփիչ գոտեմարտ։

Փետրվարի 17-ին հայ ըմբիշը կմրցի գերմանացի Անդրե Կլարկի դեմ, ում հաղթելու դեպքում կգոտեմարտի բրոնզե մեդալի համար։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am