Եվրո-2020. Անգլիա – Խորվաթիա

Հունիսի 13-ին Եվրո-2020-ի շրջանակում պայքարի մեջ են մտնում միանգամից երկու հզոր հավաքականներ։ Մրցաշարի գլխավոր ֆավորիտներից Անգլիայի հավաքականը D խմբի շրջանակում Լոնդոնի «Ուեմբլի» մարզադաշտում կմրցի աշխարհի գործող փոխչեմպիոն Խորվաթիայի ընտրանու դեմ, որի հետ շատ հին հաշիվներ ունի։

Հանդիպման մեկնարկը Երևանի ժամանակով նախատեսված է 17:00-ին։

Մրցող կողմերի մարզավիճակները

Անգլիա – Վերջին 10 խաղերում «երեք առյուծները» տոնել են 8 հաղթանակ և կրել են 2 պարտություն` գոլերի 20:5 հարաբերակցությամբ։

Գարեթ Սաութգեյթի թիմը վերջին 6 խաղերում տոնել է նույնքան հաղթանակ` բաց թողնելսվ ընդամենը 1 գոլ։

Խորվաթիա – Վերջին 10 խաղերում Զլատկո Դալիչի սաները տոնել են ընդամենը 3 հաղթանակ, 2 խաղ ավարտել են ոչ-ոքի, իսկ 5 խաղում էլ պարտվել են` գնդակների 16:13 հարաբերակցությամբ։

«Շախմատայիններն» ակնհայտ է, որ այնքան էլ լավ մարզավիճակում չեն մոտենում տարվա գլխավոր ստուգատեսին։ Վերջերս կայացած ընկերական խաղում նույնսիկ Հայաստանի հավաքականը անախորժություններ պարգևեց խորվաթներին և չպարտվեց մրցակցին. գրանցվեց 1:1 հաշիվը։

Հավաքականների կորուստները խաղից առաջ

Անգլիա – Դին Հենդերսոն, Բուկայո Սակա. հարցականի տակ է Հարի Մագուայերի մասնակցութնունը

Խորվաթիա – առանց կորուստների

Դիմակայության պատմությունը

Կողմերը միմյան դեմ դուրս են եկել 10 անգամ. առավելությունը Անգլիայի հավաքականի կողմն է, որը տոնել է 5 հաղթանակ, 3 խաղ ավարտվել է Խորվաթիայի հաղէանակով, իսկ ևս 2 հանդիպման շրջանակում էլ գրանցվել է ոչ-ոքի։

Ճիշտ է` դիմակայությունում անգլիացիներն ունեն առավելություն, սակայն Խորվաթիայի հավաքականի տարած 3 խաղթանակները, կարծում ենք, դեռևս երկար կմնան «երեք առյուծների» երկրպագուների հիշողություններում։

Խորվաթներն այդ 3 հաղթանակներից 2-ը տոնել են Եվրո-2008-ի որակավորման փուլի ընթացքում։

Հատկապես հիշատակման է արժանի այդ ընտրական փուլի Լոնդոնում կայացած խաղը, երբ Խորվաթիայի հավաքականը 88 հազար երկրպագուների աչքի առաջ 3:2 հաշվով հաղթեց Անգլիային` զրկելով նրան Եվրո-2008-ի ուղեգիր նվաճելու հնարավորությունից։

Խորվաթների` Անգլիայի նկատմամբ տոնած վերջին աղմկոտ հաղթանակը դեռևս շատ թարմ է. 2018-ի հուլիսի 11-ին Զլատկո Դալիչի թիմը աշխարհի առաջնության կիսաեզրափակչում լրացուցիչ ժամանակում 2:1 հաշվով առավելության հասավ մրցակցի նկատմամբ և դուրս եկավ եզրափակիչ։

Այս դիմակայության լավագույն ռմբարկուն Ֆրենկ Լեմպարդն է, ով դարձել է 5 գոլի հեղինակ։

Հավանական մեկնարկային կազմերը

Անգլիա

Դարպասապահ – Ջորդան Պիկֆորդ

Պաշտպաններ – Կայել Վոլքեր, Ջոն Սթոունզ, Հարի Մագուայեր/Տայրոն Մինգս, Լյուկ Շոու

Կիսապաշտպաններ – Դեկլան Ռայս, Ջորդան Հենդերսոն, Մեյսոն Մաունթ

Հարձակվողներ – Ջեյդոն Սանչո, Հարի Քեյն, Ֆիլ Ֆոդեն

Խորվաթիա

Դարպասապահ – Դոմինիկ Լիվակովիչ

Պաշտպաններ – Շիմե Վրսալկո, Դուե Չալետա-Ցար, Դոմոգոյ Վիդա, Բորնա Բարիշիչ

Կիսապաշտպաններ – Մարսելո Բրոզովիչ, Մատեո Կովաչիչ, Լուկա Մոդրիչ

Հարձակվողներ – Իվան Պերիշիչ, Անդրեյ Կրամարիչ, Անտե Ռեբիչ

Հանդիպման գլխավոր մրցավարը

Անգլիա – Խորվաթիա հանդիպումը կսպասարկեն իտալացի մրցավարները` Դանիելե Օրսատոյի գլխավորությամբ, ում եզրերում կօգնեն Ալեսանդրո Ջալատինին և Ֆաբիանո Պրետին։

Հանդիպման 4-րդ պաշտոնյա է նշանակվել հոլանդացի Բյորն Կույպերսը, իսկ VAR համակարգի պատասխանատուները լինելու են Մասիմիլիանո Իրատին, Ժոաու Պինեյրուն, Պաոլո Վալերին ու Ֆիլիպո Մելին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am