Եվրագավաթային անակնկալն. Արսենալը 11-մետրանոցներով պարտվեց Սպորտինգին 🎥
Եվրոպա լիգայի 1/8 եզրափակիչի պատասխան խաղում «Սպորտինգը» Լոնդոնի «Էմիրեյթս» մարզադաշտում մրցեց «Արսենալի» դեմ։
Հիշեցնենք, որ դիմակայության առաջին խաղում գրանցվել էր 2:2 հաշիվը։
Առաջ ընկնելով` նշենք, որ պատասխան խաղում, չնայած «զինագործներն» ունեին խաղային շոշափելի առավելություն, միևնույն է, Միկել Արտետայի սաները չկարողացան կոտրել մրցակցի դիմադրությունը։
Հանդիպման հիմնական և լրացուցիչ ժամանակն ավարտվեց 1:1 հաշվով։
Խաղի հաշիվը 19-րդ րոպեին բացեց «Արսենալի» ավագ Գրանիտ Ջական, իսկ հյուրերի պատասխան գնդակը 62-րդ րոպեին խփեց Պեդրու Գոնսալվեշը` դաշտի կենտրոնից գրավելով մրցակցի դարպասը։
Կողմերը հաղթողին պարզելու համար իրացրին 11-մետրանոցներ, որոնք ավելի դիպուկ իրացրին Լիսաբոնից ժամանած հյուրերը` հաղթելով 5:3 հաշվով։
Այսպիսով, Ռուբեն Ամորիմի թիմն անակնկալ մատուցեց և պայքարը կշարունակի Եվրոպա լիգայի 1/4 եզրափակիչում։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am